「你今日執左未？」
執咩？執垃圾囉！
今日打開我locker
入面仲有個月餅盒。鳳梨酥盒！
但入面冇食物既。係得吉盒！
咩事先？係！我地中意儲垃圾
你地唔要既野。我當係寶架！
瘋婦最中意儲垃圾。
-同事手信
瘋狂到。唔搶手信.
淨搶個食物既盒😅
例如鳳梨酥盒.朱古力盒.曲奇餅罐
（做咩？好多野都解釋唔到😂😂）
做教具比小朋友操弄.學習！
-買野飲留個樽
留樽.留蓋👍🏻
做咩？小朋友既圖工咪就係由個樽演變出黎
蓋都要？細bb練手肌蓋水彩印都唔錯架！
樽蓋畫又夠環保👍🏻
-紙巾筒
必儲item!
學校女廁有個袋專留紙巾筒😂
用完唔好扔呀.超有用！做圖工😂
-用完護膚品唔好扔個野！
非常好用。小朋友扭蓋.練手肌！
-雞蛋托！牛奶罐！屋仔牛奶盒等等
連雪梨托都好好用
做圖工做教具教材.1流！
大前提老師要有少少創意😂😂💪🏻
執垃圾？我真係執過紙皮
真係勁尷尬入去百x
問人地可唔可以比d紙皮我
問完得左！再要尷尬多次拎住行返屋企
為左班孩子。老師可以去到幾盡？
同婆婆爭紙皮😭😭😭
（果次執紙皮係for open day
在紙皮上畫畫。做d人形公仔整比
小朋友影相！執完仲要後期加工架😓）
老師除左儲垃圾外
仲會叫家長收集垃圾
最中意收集就係飲品盒
又係有d野解釋唔到架😌
明明寫明要洗乾淨先交返黎
但永遠收返黎既...
係滴住維x奶.檸x茶😩😩成陣味
其實洗乾淨.家長係咪誤解為
「洗乾淨個盒面？」
其實只要剪開少少。
咁先洗到架，唔洗乾淨真係會發臭同野蟻
到最後又係老師自行處理😭😭
有時我會叫姐姐洗既哈哈哈！
大家身邊有好多野
其實都係我地幼稚園老師既寶物
花多少少心機和創意
垃圾都可以變成孩子能夠學習既寶物
大家今日執左咩垃圾呀？
仲有咩好執呀？介紹比我呢個瘋婦啦🙏🏻
Search